Corpus Van Reenen-Mulder (CRM14): Oorkonde E118p39201

Wj Gherit van + den rijn en_ jacob ment Scepene in Aemstelreveen orconden en_ kennen dat voer ons quam Coppetgijn wouter tyden zoens zoen en_ gheliede scoudich te wesen . jan willems zoen enen ouden vrancrijcschen scilt goet van goude en_ zwaer van ghewichte iaerlixe renten . staende toten eweliken pacht op twe acker lants gheleghen in wouter tyden zoens zate twisschen roemer iacob zoens lande op die een zide en_ ledighen lande op die ander zide . te + betalen alle iare desen voers_ pacht op sinte lambrechts dach . en_ waer dat coppetgijn voers_ desen pacht voerseyt niet en betaelde op + ten voer_ dach so waren die twe acker lants ian willems zoens vry eyghen sonder enich weder~zegghen hier ouer waren zeuen / wouter tyden zoen / dirc wouters zoen allaert tatic / ledich / Claes eggaert / Gherit wedighe en_ allaert wouters zoen / jn orconde desen brieue bezeghelt mit onsen zeghele_ Ghegheuen des maendaghes na dertienden dach jnt jaer ons he_n . mccc twe en_ tneghentich