Corpus Van Reenen-Mulder (CRM14): Oorkonde E118p39501

Wj allaert tatyken zoen . en_ meeus harmans soen scepene in aemstelreueen . Orconden en_ kenne_ dat voer ons quam ghisebrecht grieten soen . en_ gheliede scoudich te wesen . dirc iacops soe_ vier oude vrancriichssche scilde goet van goude ende swaer van ghewichten Jofte payment dat also goet is jairlixe renten die~welke staen staen sullen . totten eweliken pachte opten huse en_ optie sate lants die hi n˚ ter tijt bewoent gheleghen twisschen Jacop stickers lant optie een zide en_ gheriit lyclaes soens lande optie ander zide te betalen alle Jair dese voirs_ renten . tot apcouder marcte ter custinge Jofte binne_ viertien + daghen dair na onbegrepen binnen der stede van aemst_damme te bringen En_ waer + t dat + men dese voerseide renten alle jair niet en betaelde in + der stede voirnoemt binne_ den voirs_ termine soe soude dit voirs_ huus ende lant verb˚ert wesen en_ dirc Jacop soens vri eyghen Jn orconde desen brieue beseghelt mit onsen seghelen Ghegheue_ op sinte thomas auont apostol . Jnt Jair ons he_n dusent drie + hond_t viue ende tneghentich