Corpus Van Reenen-Mulder (CRM14): Oorkonde E118p39801

Wj . iacob gheriits soen . en_ Ruussche ghiseberts soen Scepene ter nuwer~Aemstele Orconden ende kennen dat voir ons . quam gher˚t iacob ians soens soen . ende gheliede scoudich te wesen . willem . ende ian . fyen ende aliden / ian noerts vier k˚nde_n enen goeden gouden ouden vrancrixsen scilt iof payment alsoe goet . iaerlixer Renten die~welke ten eweliken pacht staen . sal . op gher˚ts voerscr_ huus ende land . dair hi nv ter + t˚t op zit ende voert op al z˚n goede zoe waer ze ghelegen . z˚n . te betalen alle iaer desen voirnoemden pachte . op alre heyleghen dach binnen Aemstelredamme vrijs ghelts sonder enigherhande ofbrec . Om viertien daghen na + den voerseiden termine onu_haest te wesen . Ende waer dat men desen voers_ pacht niet en betaelde opten ? t_mine in allen manieren . als v˚erseit is . Zoe soude . dit voers_ huus en_ landt ende ander goede voerscreuen in willems / jans . fyen ende aliden voirscreuen hant verstanden en_ hoer vrj eyghen wesen ende dat en soude gher˚t iacob ians soens soen . voirs_ noch sine nacomelingen mit ghienen rechte weren In Orconde desen . brieue beseghelt mit onsen zeghelen . ghegheuen op sinte peter en_ pouwels auo_t apostolen Jnt Jair ons heeren dusent drie + hondert achte ende tneghentich .