Corpus Van Reenen-Mulder (CRM14): Oorkonde E137p37601

JC dirc saye Scout Jn + den ambocht van valkenburch . doe kond allen luden . dat voir mj quam floriis willems soen En_ gheliede dat hi vercoft heeft dirc zeuerijts soen Een pond holl_ns Comans payment tsiairs . Te versien op ander half hont lants die nv ter tijt dircs van den rijn sien Ende gheleghen ziin jn + den ambocht voirscr_ . Ende beleghen heeft pieter gheriid doeden soen an die noortzide . Ende dirc van den rijn voirscr_ an die zuytzide Streckende voir van den weghe op an den smalen wech . Voirt sient voirwairde wair dat dirc zeuerijts soen voirscr_ an desen voirseyden lande niet seker ghenoech en wair . ziin Renten an te v_siene so soude hi hem voert v_sien an twie hont lants die gheleghen ziin binne_ den ambochte voirscr_ Ende ghehieten zijn die~strijpte~Rogghe Ende laserus~ack_ Ende gheleghen ziin an die zuytzide van den corten peerboom Ende beleghen heeft gherijd janijs soen an die noort~zide . Ende die abdisse an die zuytzide strekende van den weghe op . an der abdissen lant . Ende buerlant . Ende dese voirseyde Renten alle jair te betalen binnen der stede van leyden . binnen den vier heylighen daghe_ van kersauond . . Ende wair dat men dirc voirseyt alle jair dese voirseyde Renten niet en betailde alse voirscr_ staet so beliede florijs alle daghe / dirc sculdich te wesen twie scellinghe holl_ns payments voirscr_ Ende dat mach hi ond_~houden tot onser vrouwen daghe te lichtmisse Ende wairt florijs voirs_ voirs_ dan dese voirseyde Renten mid den beloft voirscr_ niet en betailde op onser vrouwen dach voirnoemt . So soude dirc voirseyt houde_ dese twie hont lants voirscr_ Ouer zijn vrieyghen tot den Renten voirscr_ . Ende wairt dat jn allen desen voirwairden voirscr_ Enich ghebrech wair So soude hem dirc voirt v_sien an florijs goet wairt gheleghen . wair Jnde hier waren bi ende ouer alse buerlude Jn + den ambocht voirscr_ willem van der sloet Ende dirc van den rijn Jn kennesse der wairheyt heb ic dirc stout voirnoe_t desen brief Open beseghelt mid minen seghel . Jnt jair ons he_n duysend drie hond_t Ses Ende tseuentich tsaterdaghes na dertienden dach