Corpus Van Reenen-Mulder (CRM14): Oorkonde E167p31901

JC dieric van suyete_ make kond en_ kenlic allen den~ghene_ die dese lett_en zullen zien of horen lesen dat ic biatrijs minen wiue : hebbe ghegheuen en_ ghemaket . elf morghen lands die gheleghen zien jnt ende van + d_ hoeue te suyeten : Tote zoet_woude waerds daer allaerd drutekiaen op te woenen plach tote hore rechter lijf~tocht : Om~dat ic wil dat dit vast en_ stade bliue zo heb ic dese letter bezeghelt mit mine_ zeghel : En_ hebbe ghebeden enen goeden man en_ enen wisen den paersoenre van leyderdorp dat hijt mit mi bezeghel en_ Jc bartholomeus parsoenre van leyderdorp priester om die bede dierics van suyeten heb ic desen brief bezeghelt mit hem : Ghegheuen jnt jaer ons h_en dusent drie hondert en_ neghentiene des vridaghes na sente bauen daghe