Corpus Van Reenen-Mulder (CRM14): Oorkonde E167p32101

Wij h_man bitt_ en_ willaem vten campe Scepen in leyden orconden met desen lett_en bezegheld mit onsen zeghelen . . dat willaem de graue Sculdich es jaerlics een pond holl_ ewelike staende . der papelik_ prouende t_ nyw_ kerke te leyden welch pond holl_ dese voerscreuen willaem de g_ue beleyt heuet op syn hues en_ erue gheleghen bi den rine in dye selue p_chye beleghen met willaems slap_s huse an dye ene syde en_ met jans hamers huse an dye and_ syde . En_ op tyene marghen lands gheleghen int vt_ste van haren jacobs ambocht van den woude . bi dyerecs ambochte van alkemade an dye ene side . en_ beleghen met jacobs ygincs lande an dye and_ syde Ghegheuen in dyen jare ons h_en dusend dre + hond_t tuintich en_ een des dunredaechs naest na sente matheus daghe ap_li .