Corpus Van Reenen-Mulder (CRM14): Oorkonde E167p32301

Jc heynric van streuelant make kont ? ? alle den~ghenen die desen brief sullen zien of horen lesen als dat ic een rechter ? ? den ambochte van oestghest al~daer ver machtelt heynrics wijf was va_ poelghest voer mi quam ende voer gherechte ende koes enen monbare met rechte ende met vonnesse ende ghaf willaem horen zoene met hoers mombaers hant enen vrien wech in alle hore lande waer soet gheleghen was sinen oerbare mede te doene sonder enich wederzegghen ofte kalendieringhe van hore ofte van enighen horen nacomelinghen Om~dat dese dinghen gescieden voer mi ende voer gherechte daer om heb ic desen brief beseghelt met minen seghele wtghehanghen . ghegheue_ in den jare ons heren als men screef dusent drie + hondert ende drie + en + twintich des zonen~daghes voer karsauent