Corpus Van Reenen-Mulder (CRM14): Oorkonde E167p32701

Allen den~ghenen die desen brief sellen sien of horen lesen / make ic kont ende kenlic / diedric borchg_ue van leyden ridder / dat ic die tien schillinghe tsiaers die miin here miin vader / daer god die siele af hebben moete / den conuente van egmonde / in aelmoesen ghegheuen heeft / desen voerseyden conuente bewiist hebbe / ende bewise iaerliics / vp te heffen / an die hofstede / en_ an dat erue bi der steenbregghe / daer willem neude nv woenachtich vp is In oerconde desen brieue beseghelt met minen seghele / ghegheuen in tiaer ons heren M˚ ccc˚ en_ seu + ende + twintich / des sondaghes na sente martiins dach in den winter /