Corpus Van Reenen-Mulder (CRM14): Oorkonde E167p33501

WJ pieter gouburghe sone / en_ hughe phillips sone / Scepene in leyden / maken cont en_ kenliken allen luyden / Dat remburch gosekiaens weduwe en_ Gosewijn hore sone die hoir rechte mombair is / vrederic en_ Gouburch remburghe kinder voirs_ vircoft hebben mit ghesamender hant . en_ elc mit siins mombairs hant dies te doene hadde . h_en Gheraird van der hogherstrate priester pieters sone voirs_ / Een pont holl_ vriis ghelds iairlixser renten op hoir huys en_ op hoir erue dair si nv ter wilen in woenen . en_ beleghen hebben Jan grieten sone mit sinen huyse en_ erue an die ene side en_ wildiic mit sinen huyse en_ erue an die ander side / En_ dese renten voirs_ iairlix te betalen tote paischen En_ remburch gosekiaens weduwe en_ goeswiin hoir sone hoir rechte mombair vrederic / en_ Gouburch remburghe kinder voirs_ hebben hem beliet van desen pont ghelds voirscreuen vol en_ al + betailt den lesten penning mitten eyrsten Jn oirkonde desen brieue besegelt mit onsen seghelen / Ghegheuen int iair ons h_en duysent drie hondert viif en_ dertich swoensdaghes na palmen~paischen - - -