Corpus Van Reenen-Mulder (CRM14): Oorkonde E167p33502

WJ ghered gorijs / en_ hughe philips sone scepene jn leyden Make_ cond en_ kenlike alle_ luden dat hair ghered hoestraet pieters soen ghecoft heuet tieghens janne vranke_ sone / een deel lands dat bi gheleghe_ es / jn enen camp van twaelft + alf hond lands luttel min jof meer legghe_de in den wairt vp gans~oirde die dierix willaems soens van der dobbe plach te wesen / dair jan va_ den rine va_ Coudekerke tvierden deel ane heuet en_ van dien dats dair dan bliuet / dat mid janne va_ den riin voirseyd mid ghemeenre voir leghet / soe heuet hair ghered die rechte helfte ghecoft alst voirscreue_ es omme twaelf pond hollansche dair hem jan vranke_ sone voirseyd of beliet heuet vol en_ al betaelt den lesten penninc mitten eersten / wilc land voirghenoemt beleghe_ hebbe_ die h_en va_ den duutschen huze en_ daniel wte_ wairde / ane die ene zide / en_ pieter v_en gouburghe sone ane die ander zide / Ende wair dat zake dat hair ghered voirs_ jof sine nacomeli_ghe scade jof hinder namen bi den voirscreue_ lande jof bi der bruucware va_ dieric willaems sone van der dobbe voirseyd ? ? yemend and_s va_ sine_ weghe_ dair belouet jan vranke_ ? (onleesbaar) voirs_ voir hem en_ ? ? nacomeli_ghe h_en gheredde voirghenoemt en_ sine_ nacomeli_ghe_ scadeloes of te houden / In oirkonde desen brieue bezeghelt med onsen zeghele_ / Ghegheue_ jnt jaer ons h_en Dusent drie hondert viif en_ dortich vp sente marchus dach ewangelisten /