Corpus Van Reenen-Mulder (CRM14): Oorkonde E167p33601

WJ hughe van der bregghe . en_ ghered goriis / Scepene in leiden / maken cond en_ kenliken allen luden / Dat jacob gonse ghered sconebroids sone . griete siin suster . en_ dieric (onleesbaar) hore beider swagher quame_ voir ons . en_ ghelieden . dat Jan van brabant en_ dieric van den bosche die nv ter wilen ou_meisters zien van den gasthuyse van leiden / hem vol en_ al + betailt hebben . den lesten penninc mitte_ eyrsten . alse van dien haluen camp lands die ghered sconebroids was . en_ gheleghen is te roedenburch binne_~diix in den ambochte van soeterwoude . en_ van den helen vterdiik . die naist gheleghen is der kerke van leiderdorpe / Jn oirkonde desen brieue beseghelt mid onsen seghelen / Ghegheue_ int iair ons h_en / duysend + / drie hondert / + ses en_ dertich / des manendaghes na sente dammaes daghe