Corpus Van Reenen-Mulder (CRM14): Oorkonde E167p33701

Jc dieric bussel ? jn zoet_woude Make Cont allen luden Dat voer mi qua_ en_ voer somen buren van zoet_woude . Clays van bakenesse en_ beliede hem . dat hi vercoft heeft stachiin heynrix zoen . Een pont hollansche vries ghelts jaers . te betalene dene helfte toet voerscotenre market en_ dander helfte toet valkenburgher market alle jaer . En_ beliede he_ daer of betaeld den lesten penninc mitte_ eerste_ . En_ dit voerseyde pont ghelts jaers sel stachiin voerscreuen v_sien op viift + alf morghen lands . die clays voergehenoemt legghende heeft . jnt ambocht van zoet_woude mitten burchgraue van leyden ghemene En_ beleghen heeft an die Oestzide aelbrecht florens zoen En_ an die westzide gheret ? mit erf~hure van den goedshuse van egmonde . vutgaende in den riin . Jn orkonde desen brief bezeghelt mit minen zeghele Ghegheuen . jnt jaer ons h_en dusent drie hond_t seuen en_ dertich sat_daghes na meye~dach - - -