Corpus Van Reenen-Mulder (CRM14): Oorkonde E167p33702

WJ heyne van der bregghe / En_ Gheret Riiswiic vranken soen / Scepene in leyden . Maken cond ende kenlike allen luden . Dat Reymburch goessekiins wedewe vrederic hoir soen die hoir mombair es / En_ gouburch . . Reymburcghe kinder voirseyd / vercoft hebben mid ghesamender hand / en_ elc mid siins mombairs hand dies te doen hadde / haren Gheredde hoecstrate_ pieters soen . priester / Tien scellinghe hollandsce vryis ghelds jairlixer Renten . alle jare te versien / vp hoir huys en_ vp hoir erue dair si nu ter wilen jn wonen / En_ beleghen hebben / jan grieten soen / mid sinen huyze / ende erue / ane die eene zide / En_ wildiic / mid sine_ huze / en_ erue ane die ander zide / En_ dese voirscreuen Rente_ zel + men jairlix betalen te paeschen . En_ Reymburch / vrederic / en_ gouburch voirnoemt / hebben hem belyet van desen tien scell_ siaers voirscreuen vol en_ al betailt den lesten penninc mitten eersten . Jn oirkonde desen brieue bezeghelt mid onsen zeghelen Ghegheuen jnt jair ons h_en . dusend . + drie hondert . + zeuen en_ dertich / des vridaghes na sente ? dach - - -