Corpus Van Reenen-Mulder (CRM14): Oorkonde E167p33801

WJ ghered goriis en_ heine milde / scepene jn leiden / Maken cond allen luyden / Dat jan here voir ons quam en_ geliede dat hi scoudich is / Ghered riiswiic vranken sone / Een pond holl_ vriis ghelds jairlixser renten / Op siin huys en_ op siin erue . dat beleghen is mitter burchgrafte an die ene side en_ meyster ghene mit sine_ huse en_ erue an die ander side . van den burchwal streckende jn den ouden riin / Ende dese renten jairlix te betalen tote heilighe misse / voird soe heeft jan here hem virwilcoird . dat hi dit voirghenoemde huys voirwards meer betere_ sel . en_ niet arghen / Jn oirkonde desen brieue beseghelt mit onsen seghelen / Ghegheuen jnt iair ons h_en / duysend / + drie honderd / + achte en_ dertich . swoensdaghes na onser vrouwen daghe virholen - - -