Corpus Van Reenen-Mulder (CRM14): Oorkonde E167p34201

WJ Gheret gonter en_ Jan die backer Scepene jn Leyden . Maken Cond ende kenliic allen luden / dat kerstine pieter v_en gobburghe soens wedewi . hair gheret . jan / philips / liddeld / gobburch / margriete / ende kerstine / pieters ende kerstinen kindre voirscreuen . voir ons quamen Ende verwilcoerden him / die mondighe mid hairs selues hand / ende die onmondighe mid hoirs mombairs hand mid Recht en_ mid vonnesse alse scepene wiisden ende Recht is dat van kerstinen pieters wedewi voernoemt / goede en_ Renten na hairre doyt bliuen ? toter Capelrye Ewelike durende . tien pond hollandsche siaers . tote philips behoef hairs soens voirseyt . also langhe als hi leuet . Jn Oirkonde desen brieue bezeghelt mid Onsen zeghelen . Ghegheuen / tsaterdaghes voir sente marcus dach ewangelist_ jnt jair Ons h_en M˚ ccc˚ twie ende viertich .