Corpus Van Reenen-Mulder (CRM14): Oorkonde E167p34203

WJ . jan de backer . en_ hughe batseleer / scepene in leyden / maken cont allen luyden dat ghered goede moenen sone voir ons quam . en_ gheliede dat hi scoudich is / jacob clays sone Tien scellinghe holl_ vrijs ghelds jairlixser renten . alle jare te + betalen tote voirscoter marcte / Te virsien op siin halue huys en_ erue dair jacob clays sone die weder~helfte of toe~behoirt . dat moene lisebette sone plach te wesen . en_ beleghen is mitter stoue dair pieter van ecken nv woent . en_ an die ander side mitten ouden rine / Jn oirkonde desen brieue beseghelt mit onsen seghelen / Ghegheue_ jnt jair ons sh_en / duysent / + drie honder . + twie en_ viertich . des woensdaghes na dertienden daghe