Corpus Van Reenen-Mulder (CRM14): Oorkonde E167p34301

WJ andries hansoeten sone en_ dieric vranken sone / scepene in leyden maken cond allen luyden Dat meester jan de bandemaker vor ons quam . en_ gheliede dat hi vircoft heeft / clays van der burch . en_ jonghen ghered den smeeder die nv ter wilen outmeesters sien van den gasthuyse van leyden / Tien scellinghe holl_ vriis ghelds siairs toit sgasthuys behoif voirseit Op siin huys en_ op siin erue dat beleghen hebben / reinsent bertelmeus weduwe van der bregghe . en_ dieric van der dobbe mit horen erue an diene side / en_ clays de dregher mit sinen huyse en_ erue an dander side En_ dese renten voirseit iairlix te + betalen tote voirscoter marcte / En_ meester jan voirseit die heeft beliet betailt den lesten penninc mitten eyrsten van desen renten vorscreue_ Jn oirkonde desen brieue beseghelt mit onsen seghelen / Ghegheuen int jair ons h_en / duysent / + drie hondert / + drie en_ viertich des sonnendaghes voir sente mairtiins daghe in den winter