Corpus Van Reenen-Mulder (CRM14): Oorkonde E167p34401

WJ andries hansoeten sone . en_ dieric van den bosche / scepene in leyden maken cont allen luyden Dat jacob bertelmeus sone van wasnair voir ons quam . en_ gheliede dat hi vircoft heeft Clays van der burch . en_ ghered den smeder die nv ter wilen . meesters sien van den gasthuyse van leyden / de helfte van twien campen lands . dair die ene camp of hiet gansekete . en_ die ander camp vir~claren~camp . en_ gheleghen sien (onleesbaar) in den ambochte van wasnair toit sgasthuys behoif van leyden / En_ dese twie hele campe lands voirs_ houden . seuen morghen luttel min of meer / En_ Jacob voirseit die heeft hem beliet betailt den lesten penninc mitten eyrsten van desen lande voirscreue_ . Jn oirkonde desen brieue beseghelt mit onsen seghelen / Ghegheue_ int jair ons h_en duysent / + drie hondert / + vier en_ viertich . op sente pieters dach in den lenten