Corpus Van Reenen-Mulder (CRM14): Oorkonde E167p34402

WJ andries hansoeten sone ende dieric vranken sone / scepene in leyden / maken cont allen luyden / Dat hase corte boudekiaens weduwe voir ons quam . en_ gheliede dat si vircoft heeft / Jan de backer tien scellinghe holl_ vriis ghelds siairs / op hoir huys en_ op hoir erue dat beleghen heeft stasiin heinrix sone mit sire steghe an diene side / en_ aliit clays diedaird soens weduwe mit horen huyse ende erue an dander side / Ende desen renten voirseit alle jare te + betalen tote valkenburgher marcte / Jn oirkonde desen brieue beseghelt mit onsen seghelen / Ghegheuen int jair ons heren / duysent / + drie hondert / + vier en_ viertich des donresdaghes na sente louweriis daghe - - -