Corpus Van Reenen-Mulder (CRM14): Oorkonde E167p34403

WJ . . andries hansoeten sone en_ hughe van suieten / scepene in leyden / maken cont allen luyden / Dat hughe de vechter en_ pieter siin sone voir ons quame_ en_ gelieden dat si vircoft hebben mit ghesamender hant en_ elc voir al / reynsent bertelmeus weduwe van der bregghe / Een pont holl_ vrijs ghelds siairs / op hoir huys en_ op hoir erue dat si hebben binne_ leyden . en_ beleghen heeft airnt de snider mit sine_ huyse en_ erue an diene side . en_ clays van ? mit sine_ huyse en_ erue an dander side / En_ voirt op hoir ? ? op hoir erue . dat si hebben buten leyden dair si nv ter wilen hoir verwerie houden . dat beleghen heeft arnt de potter mit sinen huyse en_ erue an diene side en_ gheertruyt ysebrands mit horen huyse en_ erue an dander side / en_ dese renten voirs_ jairlix te betalen tote voirscoter marcte / en_ tote valkenburgher marcte / Jn oirkonde desen brieue beseghelt mit onsen seghelen / Ghegheuen jnt jair ons h_en / duysent / + drie hondert / + vier en_ viertich des saterdaghes na sente posikiaens daghe -