Corpus Van Reenen-Mulder (CRM14): Oorkonde E167p34405

Wj dieric vranken sone en_ wouter van den vene / Scepene in leyden / maken cont allen luyden dat remburch gosekiaens mit goiswiin horen sone horen rechten mombair vrederic en_ gouburch hoir kinder quamen voir ons en_ ghelieden dat si vircoft hebben mit ghesamender hant en_ elc voir al / willaem jans mans sone Een pont holl_ vriis ghelds siairs en_ enen capoen / op hoir huys en_ op hoir erue dat beleghen heeft wildiic mit sinen huyse en_ erue an diene side / en_ clays rogghenbroit mit sinen haluen huyse en_ erue an dander zide Ende dese renten mitten capoen voirseit alle jare te + betalen tote voirscoter marcte den scilt voir twintich twintich grote jof anders payment dair na / Jn oirkonde desen brieue beseghelt mit onsen seghelen / Ghegheuen jnt jair ons heren / duysent / + drie hondert / + vier ende viertich des manendaghes na onser vrouwen daghe te mydden~oiste