Corpus Van Reenen-Mulder (CRM14): Oorkonde E167p34501

Wi anderijs han~zoeten soen / en_ costiin van der bregghe scepen in leyden / maken cont en_ kenlike allen luden dat voir ons quam philips pieters soen / en_ maect h_en gher_ sine_ broeder magtich van sine_ weghen alsoe langhe als hij in studie / iof / int scole laghe siin lant / en_ siin erue etsie sie van gheestelicken goede of van wairliken dat hij nu heft / of hier + en~twisken vercrighen moghe te + verhuyren die huyr in + te + nemen vp + te + boeren en_ quiten den~ghene_ diet gheuen / en_ te doen panden / en_ voir gherecht te + bieden die niet en betalen toit horen daghe / en_ voirt alle dinghe te + doen ghelikelic offet philips selue waire / En_ voirt wair dat zake dat philips voirghenoemt omboede / et wair med brieuen of med wairachtighen boede dat hi ghelts te + doen hadde en_ enen goit vercopen wilde soe heft hi h_en gher_ sine_ broeder voirghenoemt magtich maect al sulc goit te + uercopen / en_ tghelt dair + of tontfaen / te + gheue_ en_ te + belegghen in alsulken oirbair als hem philips voirseyt ombieden sal / en_ hi heft gheloeft dat stade en_ vast te houden Jn oirkonde desen brieue bezeghelt med onsen zeghel ghegheue_ jnt iair ons + heren duysent drie + hondert viue en_ viertich des vriedaghes na sent iacobs dach