Corpus Van Reenen-Mulder (CRM14): Oorkonde E167p34602

WJ jan van egmonde ridder en_ Genephi vrouwe van rodenburch maken cont allen luyden Dat wj virliet hebben en_ virlienen voir ons en_ voir onse nacomelinghe Willaem willaem luytgairde soens son en_ sinen nacomelinghen die smale hale die gheleghen js jn den ambochte van soeterwoude en_ hughe phillips zone van ons plach te houden ? ? kinde niet te + virsteruen . En_ te comen opten outsten . en_ opten naisten en_ die sone voir de dochter ? ? ? En_ hier ouer waren onse manne als clays jans sone van den poele . en_ godeuairt symons sone Jn kennesse der wairheit so hebben wj desen brief beseghelt mit onsen seghelen Ghegheuen jnt jair ons h_en duysent drie hondert ses en_ viertich des dinxdaghes na sente gregorijs daghe - - -