Corpus Van Reenen-Mulder (CRM14): Oorkonde E167p34603

WJ willaem van stienberghen en_ godeuairt symons sone / Scepene in leyden maken cont allen luyden Dat jacob zeuerid sone voir ons quam en_ gheliede dat hi scoudich js zeuerit den mairscalc sinen broeder neghentien scellinghe holl_ vriis ghelds siaers op siin huys en_ op siin erue dair hi nv ter wilen jn + woent / en_ beleghen heeft dieric vten dike mit sine_ huyse en_ erue an diene zide mitter myddegrafte en_ mitter strate daer twischen gait an dander zide / vten ouden rine streckende an dierix huys en_ erue vten dike / En_ dese renten voirs_ jairlix te + betalen tote valkenburgher marcte Jn oirkonde desen brieue beseghelt mit onsen seghelen / Ghegheuen jnt jair ons h_en duysent drie hondert ses en_ viertich . des manendaghes na sente lisebette dach - - -