Corpus Van Reenen-Mulder (CRM14): Oorkonde E167p34604

WJ hughe van der bregghe en_ pieter van hairlaem / scepene in leyden maken cont allen luyden dat katrine ghered emmen soens weduwe quam voir gherechte mit jakob horen sone . horen rechten mombair . en_ droich~op / h_en pieter den hoischen horen sone mit horen vrien wille en_ mit hoirs mombairs hant voirs_ / drie ? lands die houden vier morghen en_ vier hont luttel min of meer jn rechter ailmossen durende toit sinen liue die gheleghen sien opte mairne binnen der slaghe jn den ambochte van leyderdorpe / en_ ghehieten sien swins~hoirne / die ghered emmen sone dair god die ziele of hebben moit cofte jheghens willaem / symon phillips . en_ jan willaem luytgairde soens kinder dair hair pieter voirs_ tien scellinghe siairs op heeft . die hem ghered voirseit besprac jn rechter ailmosse / En_ hair pieter voirs_ die heeft dit voirghenoemde land ontfaen voir tgherechte te leyden mit rechte en_ mit vonnesse alse recht js . en_ scepene wiisden / jn deser manieren soe wenneer dat h_en pieters ombreect so sel dit voirghenoemde lant comen op katrinen voirseit . jof op hoir rechte erfname / jn oirkonde desen brieue beseghelt mit onsen seghelen / Ghegheuen jnt jair ons h_en / duysent / + drie hondert ses en_ viertich des vridaghes na onser vrouwen daghe jn mairte - - -