Corpus Van Reenen-Mulder (CRM14): Oorkonde E167p34801

Wj philips jan oems soen / ende hughe pieters soen / Scepene in Leyden / oirkonden en_ kennen / dat Aernd die potter vercoft heft h_en Gherarde pieters soen / tien scell_ holl_ siaers ewelike durende alle jare te versien vp siin huys / en_ vp siin erue dair hi nu ter wilen in woent / an die g_te strate / en_ wout_ van der horne beleghen heft mid sinen huyze / en_ erue an die Ene side / Ende piet_ butenwech an die and_ side / mid enen v_endel van den huze en_ Erue dat ghizebrecht goussen plach te wesen Ende siin erfname die drie deel an hebben / En_ dat aft_~ende streckende an die niwe steghe te betalen die eerste Rente tote voirscotenre + marct naest~com_de / en_ alsoe voert van jare te jare Jn sulken payment / als onse h_e van den lande ontfaet jof ontfaen doet van sinen Rente_ En_ aernd voirscreuen heft him belyet al vol betailt den lesten penninc mitten Eersten Jn Oirkonde desen brieue bezeghelt mid Onsen zeghelen / Ghegheuen Jnt Jair ons h_en dusend drie hondert Acht en_ viertich / vp sente ponssiaens dach . . .