Corpus Van Reenen-Mulder (CRM14): Oorkonde E167p34803

Wj philips jan oems soen / Ende Hughe pieters soen / Scepene jn Leyden oirkonden en_ kennen dat Aernd die potter / en_ wouter siin broeder voir ons beloeft hebben mid samender hand / en_ elc voir al h_en Gheret pieters soen te waren jair en_ dach / twintich scell_ holl_ siaers / die hi jeghens aernd voirs_ ghecoft heft alsoe als die Scepene~brieue houden die hair Gheret voirscreuen dair of heft Ende wat hinder jof scade hi dair bi name / dien souden si him vp~rechten en_ dair of voldoen / En_ aernd voirnoemt heft beloeft / wout_ sinen broeder voirscreuen scadeloes te houden / jn Oirkonde desen brieue bezeghelt mid onsen zeghelen / Ghegheuen jnt jair ons h_en / dusend drie hond_t / + Acht en_ viertich vp sente ponssiaens dach . . .