Corpus Van Reenen-Mulder (CRM14): Oorkonde E167p34805

Ic Jan vlaminx sone scoute Jn marendorpe make cont alle_ luyde_ dat pieter loit pieters sone quam voir mi en_ voir de bure va_ marendorpe . en_ gheliede dat hi scoudich js vranke_ zeuerids sone / achte scellinghe holl_ vriis ghelds siairs / op siin huys en_ op siin erue . dat beleghe_ heeft ysebrant dieric hubrecht soens sone mit sine_ huyse en_ erue an diene zide en_ mitter mairne an dander zide / En_ dese rente_ voirs_ alle jair te betalen tote voirscoter marcte en_ ghebrake dair yet an voirt te virsien op al siin goit so wairt gheleghe_ js Jn oirkonde desen brieue beseghelt mit mine_ seghele / Ghegheue_ jnt jair ons h_en duysent / + drie hondert / + achte en_ viertich op sente dammes dach