Corpus Van Reenen-Mulder (CRM14): Oorkonde E167p34806

WJ Meynse aelbrechts soen / en_ wout_ van den veen / Scepene in Leyden / oirkonden / en_ kennen / dat voir ons quam kerstants van der mye / en_ belyede scoudich te wesen janne pieters soen drie pond holl_ jairlixer Rente ten Rechten poirtrecht / te veruoirhuyren mid dertich scell_ holl_ en + te betalen alle jare tot heyligher + misse jn sulken paymente als die h_e ontfaet van sinen Renten / alle van den huyze en_ van den Erue dat hi jeghens janne voirs_ ghecoft heft / en_ beleghen hebbe_ / Jan pieters soen voirnoemt mid sinen huyze en_ erue an die ene side dair hi nu ter wile_ in woent / en_ Jacob hobbe mid sinen huyze en_ Erue an die ander side / voir streckende an den Riin / en_ after streckende an Jan pieters soen erue dicke voirnoemt / Jn oirkonde desen brieue bezeghelt mid onsen zeghelen / Ghegheuen jnt jair ons h_en / dusent / + drie + hondert / + Acht ende viertich des maendaghes na kersdaghe . .