Corpus Van Reenen-Mulder (CRM14): Oorkonde E167p34904

WJ dirc vranken sone en_ ghered gonter / scepene jn leyden / maken cont allen luyden / Dat clays de welighe voir ons quam en_ gheliede dat hi scoudich is / zeuerit ghereds sone / zeuen scellinghe holl_ vriis ghelds siairs op sine husinghe en_ erue die beleghen heeft valewiin dolislagher op dat ene ende / en_ mitten ouden riin op dat ander ende en_ afterwairt streckende an walich snoiches erue / En_ dese renten voirs_ alle jair te + betalen tote voirscoter marcte / en_ dese renten voirs_ voirt te + virsien op al siin goit soe wairt gheleghen js / Jn oirkonde desen brieue beseghelt mit onsen seghelen / Ghegheuen jnt jair ons h_en duysent drie hondert neghen en_ viertich des manendaghes na sente Jans daghe decollacio