Corpus Van Reenen-Mulder (CRM14): Oorkonde E167p35302

WJ jan van brabant en_ hughe pieters sone / scepen in leyden make_ cont allen luden / dat airnd pieters sone / ghisebrecht ghisebrechts sone en_ symon siin broeder voir ons quame_ en_ ghelieden / dat si vircoft hebben mit ghesamender hant en_ elc voir al / symon harmans sone en_ ghered jans sone die nv ter wilen meesters siin van den gasthuse van leyden / viif hont / tsesten + deel honds . en_ vierd + alf gairden lands . die gheleghen siin in katrine ghisen lant . dat ghehieten js de pairdecamp en_ de ? gheleghen bi boschuysen / en_ airnt / ghisebrecht en_ symon voirseit die hebben beloift mit ghesamender hant en_ elc voir al / dit voirghenoemde lant vri te waren jair en_ dach alse recht js en_ men een erue scoudich js te waren toit tsgasthuys behoef van leyden / en_ belien hem van desen lande voirscreue_ betailt den lesten pe_ninc mitten eyrsten / Jn oirkonde desen brieue beseghelt mit onsen seghelen / Ghegheue_ jnt jair ons h_en &mring; ccc˚ drie en_ viiftich des saterdaghes na sente odulfs daghe -