Corpus Van Reenen-Mulder (CRM14): Oorkonde E167p35501

WJ airnd van der Heyde ende willaem van der dobbe scepen in leyden doen cond allen luden / dat quam voir ons jan van ammersoyen ende gheliede dat hi vircoft heft jan Ripprechts soen een erue dat gheleghen is after zire scure ende beleghen hebbe_ an die ene zide jan Ripprechts soen voirscreue_ en_ jacob merinc mit den enden van horen eruen en_ an die ander zide willaem vos ende wouters pieters soen mit den enden van horen erue_ en_ bertelmeus bairker mit enen hoec van zinen huze ende erue mit ere steghe van ses voete breyd diere tuschen leyd . en_ dat een ende heft beleghen jan van ammersoyen mit zire scure en_ mit vier~d + alf voete erues diere tussche_ legghe_ en_ dat ander ende ysebrand die pilic mit zinen huze en_ erue En_ jan Ripprechts soen sel ghebruken den wech die strecket van dezen vircoften erue an die volres~grafte / gheliken janne van ammersoyen Ende voirt So heft jan van ammersoyen belouet janne Ripprechts soen dit voirscreuen erue tewaren jair en_ dach alze recht is ende allen co_mer of + te + doen diere nu ter wilen op staet zonder twintich pe_ninghe hollandsche siairs diere op staen te jairlixen Renten . Jn oirkonde dezen brieue bezeghelt mit onzen zeghelen Ghegheuen jnt jair ons h_en &mring; . + ccc˚ . + vijf en_ vijftich des zaterdaghes na Sinte mauritius dach