Corpus Van Reenen-Mulder (CRM14): Oorkonde E167p35802

WJ jan van braband ende Airnd van der heyde Scepen in leyden doen cond allen luden dat quam voir ons jan van zanten airnds soen ende gheliede dat hi vircoft heft pieter wouters soen sestien hond lands luttel min of meer die gheleghen zien jn den ambocht van zoet_woude ende beleghen heft an die ene zide die vrouwe van lewenberch ende an dander zide claes ghered doeden soen / mit horen lande . streckende mitten enen ende jn die leydsche vairt . Ende jan voirscreuen heft belouet pieter voirscr_ te + waren dit voirnoemde land vry ende co_merloes jair ende dach als + men een volboden dat beatriis hughen wiif erue scoudich is te + waren en_ jn alle_ zulker manieren alset danel coppen ende airnd coppen soen te + besitten plaghe_ Ende jan heft him van desen lande voirs_ betailt belyet den lesten pe_ning mitten eersten . jn oirkonde desen brieue beseghelt mit onzen zeghelen Ghegheuen jnt jair ons h_en &mring; . + ccc˚ . + acht ende vijftich op sinte lizebette_ dach . - - -