Corpus Van Reenen-Mulder (CRM14): Oorkonde E167p35804

Ic baernt grieten soen Scoute te noertich Make cond en_ kenlic allen luden dat voer mi quam dirc moen en_ gheliede dat hi vircoft heft willaem ians mans soen te leyden viertich scell_ hollansche vriis ghels siairs ene_ vlaemschen groten gherekent voer achte penninghe of anders payment daer ? / te virsien op tien honde lands luttel min jof meer / die gheleghen sien in + der ambocht van noertich Ende beleghen heft wouter willaem coudenaers soen an die zuytoest~zide en_ die abbedisse van der lede an die noertwest~zide Streckende van den madesloet an + den wandelacker Te betalen alle jare tote sinte maertiins misse in + den winter en_ hier of gheliede hi him betaelt den eersten penninc mitten lesten . Jn kennesse dezer waarheit So heb ic dezen brieue bezeghelt mit minen seghele . Ghegheuen jnt jaer ons heren . dusent drie + hondert achte en_ viiftich des donredaghes voer vastenauond .