Corpus Van Reenen-Mulder (CRM14): Oorkonde E167p35806

WJ Costijn van der bregghe ende ysebrand Roetairds zoen Scepen in leyden doen cond allen luden dat quam voir ons andries die copdrayer ende gheliede dat hi ghecoft heft jeghens h_en vranken zeuerijds zoen priest_ ten poirtRecht een huys ende erue dat gheleghen is op dien Ouden Rijn ende beleghen heft an die ene zide heer vranke voirseit zelue mit zine_ huse ende erue ende an dander zide dirc van den bosche costijn van der bregghe ende allaird snoec mit horen husen ende eruen / om vijf ende dertich scell_ holl_s tsiairs zulx ghelts alse onze lieue h_e die graue van holl_ nimt van zinen jairlixen Renten . Te + betale_ alle jare te voirscoten ende valkenburgher marcten . Ende dit voirscreuen huys ende erue zel + me_ virvoerhuren van sterfte ende van cope mitter helfte van den Renten voirnoemt . Ende heer vranke zel wesen en houder van den huse en_ erue voirs_ . Jn oirkonde desen brieue beseghelt mit onzen zeghelen Ghegheuen jnt jair ons h_en &mring; ccc˚ acht en_ vijftich des dinxdaghes na sinte matheus dach