Corpus Van Reenen-Mulder (CRM14): Oorkonde E167p35807

WJ ysebrand Roetairds soen ende jan + duker Scepen in leyden doen cond alle_ luden dat Wy dair bi ende ouer waren alse Scepen dair die rechter pande An vranke dirx soens huys van den hoeke ende erue costijn van der bregghe ende airnde van der heyde rentemeest_en nu + ter tijt der Scepenen van leyden toit der Scepene die nu + ter + tijt zien behoef ses ende dertich scell_ holl_s van boeten der scepenen ende twie scell_ holl_s van boeten des scouten . den derden pe_ning meer van beyden dat loipt zeuen ende vijftich scell_ holl_s . van elken ponde twie scell_ holl_s tsiairs dat loipt vijf scell_ ende zeuen pe_ninghe holl_s tsiairs te + betale_ alle jare toit voirscoter marcte . wilke Renten die rechter gheeyghent ende quite ghescouden heft den Rentemeest_en voirscreue_ Ende dat huys ende erue heft beleghen an die ene zide ghisebrecht cosijn ende an dander zide airnd ghereds zoen mit horen husen ende eruen . Ende dese voirscr_ Renten zel + men uytRoken jairlixe voir enighe_ commer diere op is uytgheset ses ende twintich scell_ tsiairs . En_ dese voirscreuen Renten hebben dese costijn ende airnd voirscr_ voirt vircoft h_en nyclaes jacobs soen priester . Ende hughe ? neue scoute costijn van der bregghe / jan duker / philips jans soen . ysebrand Roetairds soen pieter van hairlem arnd van der heyde / willaem bort ende ghered heerman Scepen jan van braband ende ghered Rijswit raedslude hebbe_ belouet mit ghezamender hand ende elc voir al / dese voirscr_ Renten te + waren h_en nyclaes voirnoemt jair ende dach vry ende commerloos . Ende elc belouet den and_en scadelois te + houden van zinen elften deel . jn oirkonde desen brieue beseghelt mit onzen zeghelen Ghegheuen jnt jair ons h_en &mring; . + ccc˚ . + acht ende vijftich op den tienden dach van aprelle .