Lijst
Corpus Van Reenen-Mulder (CRM14): Oorkonde E167p35810
Leiden, 1358
WJ jacob vlaminx soen ende jan spronc Scepen in leyden doen cond alle_ luden dat quam voir ons h_en Nyclaes jacobs zoen priester mit zinen ghecoren voghet ende gaf ouer h_en pieter den hoeschen / priestere mit Recht ende mit vonnesse alse Scepen wijsden dat Recht is . vijf Scepen~brieue dair dese Scepen~brief duer ghesteken is . mede te + winne_ en_ te virliezen gheliken offet heer nyclaes selue . ware toit den priesteren ende ghesellen behoef dair die Renten van den duer~ghesteken brieue onder ghedeelt zulle_ worden na zulken zegghe_ alse gheseyt is / tusschen h_en adaem van catwic / en_ pieter jacobs soen van zulker quetsinghe alse piet_ ghedaen heft h_en adaem voirs_ an zine_ oghe voirt heft heer nyclaes bewiset en_ ouer~ghegheue_ h_en piet_ toit der priest_en en_ gheselle_ behoef voirs_ zeuentien pe_ninghe holl_s tsiairs te virzien op zijn huys ende erue dat beleghen heft an die ene ende heer nyclaes voirs_ selue ende an dander side scout volquijns soen / en_ gheleghen is an den middel~wech opt hogheland . te + betalen jairlixe binne_ den vier heylighe_ daghe_ van paischen Ende voirt heft heer nyclaes voirs_ belouet zulke Renten alse die scepen~brieue jnhoude_ dair dese scepen~brief duer ghesteken is . dair die ? of is . acht en_ viertich scell_ ende zeue_ pe_ninghe holl_s en_ dese zeue_tien pe_ninghe tsiairs voirscr_ van wilken Rente_ voirs_ die heel summe loipt . vijftich scell_ holl_s tsiairs . te + waren vry en_ commerloes jair en_ dach alse Recht is . jn oirkonde desen brieue beseghelt mit onze_ zeghele_ Ghegheue_ jnt jair ons h_en M˚ . + ccc˚ . + Acht ende vijftich tvridaghes voir sinte lucyen dach .