Corpus Van Reenen-Mulder (CRM14): Oorkonde E167p36201

WJ ghered van oistgheest rutgherts soen en_ danel jans soen scepene in leyden doen cont allen luden Dat voir ons quam clays die asighe en_ gheliede dat hi ghehuyrd heeft jeghens meynaert jans soen te poirtrecht een huys ende een erue / om viertien scellinghe holl_s siaers sulc ghelt alst daer men bier en_ broet mede coopt binnen leyden Te betalen alle jair tote voirscoeter marct en_ te valkenburgher marct wilc huys en_ erue voirs_ beleghen heeft an die ene side / clays die asighe voirs_ en_ an die ander side lambrecht die verwer / jn oirkonde desen brieue beseghelt mid Onsen seghelen Ghegheuen jnt jaer ons h_en . M˚ . + ccc˚ . + twie ende tsestich vp Sinte matheus dach Ewangelist /