Corpus Van Reenen-Mulder (CRM14): Oorkonde E167p36301

WJ gheret van oistgheest rutgherts soen en_ jan melijs soen scepene in leyden doen cont . allen luden dat quam in ere pandinghe jacob beer / en_ pande an witte jans huys en_ erue vpt nuwelant / dat beleghen heft an die ene side . jan coenen soen mid sinen huyse en_ erue / en_ an die ander side . die oude + riin / sestien scelling_ holl_s / den dordrexen grote_ often vlaemschen voir achte pe_ning__ . als van cost van der graft / maict den derden pe_ning meer / vier en_ twintich scelli_ghe holl_s payments voirs_ . den scoute voir sine boeten twie scelling_ holl_s goits ghelts / doit den derden pe_ning meer in payment voirs_ . vier scelling_ / . dit comt te~same_ achte en_ twintich scelling_ holl_s payments voirscr_ dit maict ten jairlixen renten van den ponde twie scelling_ / drie en_ dertich pe_ning__ holl_s siaers payme_ts voirs_ Te betalen alle jare vp Sente pieters dach ad cathedram / Ende dese pande voirs_ stonden viertien daghe na dien dat si gheset waren / En_ na dien viertien daghen quam jacob beer / en_ droich die pande voirs_ vp / jan philips soen die doe ter tijt een rechter was tot sh_en behoif / en_ begheerde an den rechter voirs_ / dat hi him die pande eyghende van sh_en weghen of mid recht an him helde / aldaer die rechter voirs_ die pande voirs_ quite scout van sh_en weghen tot jacobs behoif voirnoemt jn oirkonde desen brieue beseghelt mit onsen seghelen Ghegheue_ jnt jaer ons h_en &mring; . + ccc˚ . + drie en_ tsestich smanendaghes na groten vastelauont