Corpus Van Reenen-Mulder (CRM14): Oorkonde E167p36401

WJ philips anderies soen en_ hughe claes soen van der burch scepen Jn leyden doen kond allen luden dat voir ons quam anderies pieters soen En_ belyede sculdich te wesen aernt die snider Twintich scelling_ holl_s goits ghelts siairs jairlixe te betalen tot voirscoter ende valkenburgher marcten Te virsien vp een erue gheleghen jn marendorp En_ beleghen heeft aernt petteman mit sinen huse ende erue an die ene side / ende die maerne mitter strate diere twyschen gaed an die ander side Streckende van der strate after an aernt pettemans voirs_ huys en_ erue Jn oirkonde desen brieue beseg_ mit onsen seghelen Ghegheue_ jnt jair ons h_en M˚ ccc˚ vier en_ tsestich vp sinte martiins dach jn den winter