Corpus Van Reenen-Mulder (CRM14): Oorkonde E167p36602

Wj michiel gheriits soen en_ gheriit heerma_ scepe_ jn leyde_ doen cond allen lude_ dat voir ons quam gheriit claes soen ende beliede sculdich te wesen gheriit van oesgheest en_ hughe claes soen nu ter tiit gaesthus~meesters jn leyde_ of diet namaels wesen sulle_ tot tgasthws behoef viiftien scelli_g__ holl_ts goets ghelts tsiaers tot jairlixe_ rente_ Te betale_ elkes jairs op den meye_~dach te virsien ende staende op die seuen + deel van ene_ erue mit twien kamere_ diere achter staende mit hore_ erue_ Ende gheleghe_ siin by der volres~grafte ende beleghe_ heft an die ene side heyn suarx mit sine_ huse ende erue Ende an die ander side fie van + der hair mit hare_ huse en_ erue mit eenre ghemienre steghe dier twischen gaet streckende voir van + der strate tot achtere an nellen erue van yepe_ jn orconde desen brief beseghelt mit onsen seghele_ ghegheue_ jnt jair ons here_ m ccc ses ende tsestich op sinte margriete_ dach