Corpus Van Reenen-Mulder (CRM14): Oorkonde E167p36701

WJ gheret lam en_ pieter hughen soen scepen Jn leyden doen cont en_ kenliic allen luden dat voer ons quam dirc willaem sillemans soen en_ ghelide dat hi verCoht heef aerst dircs soen sestien + scellinghe siaers payments alsulc ghelt als daer men bier en_ broet om cohpt binne_ leyden te versien op een huus en_ op een erue dat gheleghen is in die diefsteghe en_ beleghen heeft an die ene side dirc vande_ buschsce mit sinen huse en_ erue en_ an die ander side moeylijs sin erfnaeem en_ te betalen alle iaer dese Voerscreuen Renten te meye en_ dirc willaem sillemans soen gheloeft aerst dircs soen dese voerscreue_ Renten te waren iaer en_ dach als recht is Jn oerkonde desen brieue beseghelt mit onsen seghelen ghegheuen int iaer ons here_ M CCC en_ seuen + en + tsestich des sonnendaghes na sinte baue_ dach