Corpus Van Reenen-Mulder (CRM14): Oorkonde E167p36702

WJ michiel gheriits soen en_ daniel jans soen Scepen jn leyden orconden dat quam voir gherechte vranc vrancken soen En_ gaf ouer den wtmeesters van den gashuus die nu ter tiit siin of namaels wesen sullen tot des gasthuus behoef van leyden Enen scepe_~brief dair dese scepe_~brief doir steken is mit Recht en_ mit vo_nes als Scepe_ wiisden mede te winnen en_ te virliesen ghelike_ jof vranc vors_ selue ware jn orconde dessen brieue besegh_lt mit onsen zeghelen jnt jair ons h_en m ccc seue_ en_ tsestich des woe_sdaechs na ald_ kinder dach