Corpus Van Reenen-Mulder (CRM14): Oorkonde E167p36901

Wj jan costiins soen ende dirc poes jans soen Scepen jn leyden oirconden dat voir ons quam jan claes soen ende beloefde dirc dircs soen te waren jair ende dach alse recht js een huys ende erue dat gheleghen js op die hoghewoert ende beleghen heft an die ene side gherijt heynrics soen ende an die ander zide griete claes mid horen kinderen die si ghewonnen heft bi tielen mid horen huysen ende eruen / Ende allen commer of te doen diere nu ter tijt op staet zonder een ende twintich scellinghe hollansche goeds ghelds diere op staen tot jairlixen Renten Jn oirkonde desen brieue beseghelt mid onsen zeghelen jnt jair ons heren m ccc neghen ende tsestich des anderen daghes na sinte seruaes dach