Corpus Van Reenen-Mulder (CRM14): Oorkonde E167p37201

WJ gherijd van der graft en_ gherijd willems soen Scepene in leyden . Oirkonden dat voir gherechte quam meynairt jans soen . Ende gaf ouer vranc ysac enen scepene~brief dair dese scepene~brief doir ghesteken js mid Recht Ende mid vonnesse alse Recht is Ende scepene wijsden . vranc voirnoemt mede te winnen Ende te verliesen gheliken ioft meynairt voirscr_ selue wair Jn oirkonde desen brieue beseghelt mid onsen seghelen jnt iair ons h_en duysent drie hond_t twie Ende tseuentich . vp Sinte andries auond