Corpus Van Reenen-Mulder (CRM14): Oorkonde E167p37701

WJ Jacob van der hant Claes soen Ende will_m heynen soen Scepene Jn leyden oirkonden dat voir ons quam Claes pieters soen . Ende gheliede dat hi vercoft heeft gheriid willem ysebrants soens soen . een derden + deel . van enen helen huyse Ende erue . Ende een dorden + del van enen haluen huyse . Ende erue dair naist . gheleghen . welke huysinghe Ende eruen voirscr_ gheleghen ziin bi den nuwen rijn Ende beleghen hebben . an die ene zide pieter post Ende an die ander zide jacob dircs soen die v_w__ mid ene_ haluen huyse Ende erue . Ende claes pieters soen voirseyt louede . gheriid willems soen voirscr_ . dese voirghenoemde dorden + delen van den huysen Ende eruen voirnoemt . te waren jair ende dach alse Recht js Ende allen Comm_ of te doen dier + op staet Sond_ twie scellinghe ende ses penninghe goedts ghelts Ende twie Ende twintich penninghe goedts ghelts . die . opt halue huys ende erue staen te jairlixen Renten . Ende claes pieters soen voirseyt beliede hem hier of voldaen Ende betailt den lesten penninc mitten eersten jn Oirkonde desen brieue beseghelt mid Onsen seghelen . jnt jair ons h_en duysent drie hond_t seuen Ende tseuentich . tswoensdaghes na Sinte mathijs dach .