Corpus Van Reenen-Mulder (CRM14): Oorkonde E167p37801

Wj jacob van + der hand claes soen En_ aernt jacobs soen / Scepene_ jn leyden oirkonden dat quam voir ons jacob jans soen En_ ghelouede Symon gherets soen te waren een huys en_ een erue gheleghen opten riin En_ beleghen heft an die ene side danel vten pol En_ jc jacob van + der hand voirseyt an die ander side beyde med onsen husen en_ eruen also alst nv ter tijt gheleghen js twisken den riin en_ der burch . jair en_ dach alse recht js vri sonder co_mer behaluen twintich scellinghe holl_s comans payments / Ende achtien scellinghe en_ twie enghels goets ghels / En_ achtien pe_ninghe goets ghels die dair op staen tot jairlixen renten des so nimtet weder neghen pe_ninghe goets ghelts metten houde op danels huys vten pol / jn oirkonde desen brieue bezeghelt med onsen zeghelen jnt jair ons h_en dusent drie hondert acht en_ tseuentich des vridaghes na dertienden~dach