Corpus Van Reenen-Mulder (CRM14): Oorkonde E167p37802

WJ vranc michiels soen Ende claes jans vos soen Scepene in leyden . Oirkonden dat voir ons quam jan gielijs plaetmakers soen Ende beliede gheriid van oyen sculdich te wesen een pond holl_s tsiairs Comans paymente . Te versiene ende staende op een huys ende erue . dair jan voirs_ nv ter tijt jn woent Ende gheleghen js jn marendorp . en_ beleghen heft an die ene zide . dirc jans soen van der horne . Ende an die ander zide pieter claes soen mid eenre steghe . dier tusschen gaet . Streckende voir van der strate afterwairts an dirc jans soens erue voirscr_ . Ende dese voirseyde Rente alle jair te betalen tot voirscoter marct . jn oirkonde desen brieue beseghelt mid onsen seghelen jnt jair ons h_en duysend drie hond_t acht ende tseuentich tswoensdaghes na tsheylichs cruys dach exaltatio