Corpus Van Reenen-Mulder (CRM14): Oorkonde E167p37803

WJ gheriid lam Ende Willem heynen soen Scepene in leyden Oirkonden dat voir ons quam Syman ? den vliet Ende gheliede dat hi vercoft heeft Pieter snoec een pond holl_ns Comans paymente tsiairs ? versiene ende staende op een huys ende erue . dat gheleghen js op den Ouden riin dair syman voirseyt ? ter tijt jn woent Ende beleghen heeft an die ene zide pieter snoec voerscr_ selue mid sinen huyse ? erue Ende an die ander zide Jacob dirc houtman soens kint . Ende dese voirseyde Renten alle Jair te betalen tot valkenburgher marcten . voirt so louede Syman van den vliet . wair dat op dit voirseyde huys en_ erue yet meer te renten tsiairs stoede dan neghen penni_ghe Ende dese ? voirscr_ dat hi pieter snoec voirnoemt dat soude op~Rechten ende bet_en . Jn Oirkonde desen brieue ? mid Onsen seghelen Jnt Jair ons h_en duysend drie hond_t acht ende tseuentich ? na Sinte pouwels dach Conu_sio