Corpus Van Reenen-Mulder (CRM14): Oorkonde E167p37901

WJ vranc michiels soen Ende claes jans vos soen Scepene Jn leyden oirkonden dat voir ons quam jacob jans soen en_ gheliede dat hi vercoft heeft vranke diedwaren soen vier morghen lants die gheleghen ziin binnen den ambocht van h_en jacobs wout Ende beleghen hebben . daniel vten pol Ende vranc voirscr_ an die zuytzide noch vranc voirs_ an die westzide . tgoedshuys van leyderdorp . Splinter gherijts soen Ende florijs gherijts soen an die noertzide . Ende an die oestzide . dirc will_ms soen Ende wout_ van gheyldwic . voirt so louede jacob voirscr_ Ende daniel die bruyne . mid ghesamend_ hant Ende elc voir al . vranken voirscr_ dit voirghenoemde lant te waren als men een vrie volboden erue sculdich is te waren Ende jacob voirs_ louede daniel voirscr_ hier of scadeloes te houden Ende beliede hem hier + of voldaen ende betaelt den lesten penninc mitten eersten . Jn Oirkonde desen brieue beseghelt mid onsen seghelen jnt jair ons h_en duysend drie hond_t Neghen ende tseuentich tsaterdaghes na Sinte aechten dach